A Policía Autonómica, en colaboración coa Policía Nacional e con Gardacostas de Galicia incautaron un total de 580 quilos de ourizo, nas cidade da Coruña e Vigo.

Na Coruña, nun dispositivo conxunto con Gardacostas e o Equipo de Resposta Policial (ERPOL) da Policía Autonómica levouse a cabo un control de estrada,  sendo inspeccionada unha furgoneta. Requirida a documentación pertinente, os axentes procederon a tramitar atestado policial que foi remitido ao Xulgado de Instrución en funcións de garda da Coruña debido á procedencia e trazabilidade do produto, que non garantía as condicións sanitarias do mesmo, polo que  se procede a comisar un total de 500 quilos de ourizo, 27 capachos e o vehículo utilizado no transporte.  O marisco comisado foi posteriormente sementado. Polos feitos, investigase a dúas persoas por un presunto delito de Receptación e Falsificación por particular de  Documento Público o Mercantil.

 
En Vigo foron incautados 80 quilos de ourizo, en colaboración con axentes da Policía Nacional. No transcurso dun control, proceden á inspección dun vehículo o cal transportaba  80 quilos de ourizos. Solicitada a documentación pertinente ao condutor, non presenta nin autorización administrativa, nin as condicións para o transporte, non podendo precisar, mediante documento mercantil, a procedencia do marisco nin a súa trazabilidade, polo que se levantan dúas actas de infracción  así como unha de comiso.