O PP de Salceda denuncia o “lamentable abandono” no que se atopan as beirarrúas na zona de A Devesa, concretamente nas rúas Vigo e Joaquín Fernández Sestelo. O voceiro do grupo popular, Santiago Rodríguez Davila explica que nesa zona “hai moitas losetas rotas e buratos de gran tamaño” e engade que “existe desnivel das mesmas polo que esiximos que se destinen todos os medios necesarios por parte do goberno municipal para adecentalas”.

Rodríguez Davila afirma  que  “son lugar de paso para moitos veciños e para os nenos que se dirixen ó colexio” e alerta do perigo que supón este abandono dado que “algúns tramos son instransitables e é imposible camiñar por eles sen ter que baixarse á calzada” co conseguinte perigo que isto representa para a seguridade das persoas.

O Partido Popular critica que a zona de acceso a localidade atópese nese “lamentable estado” porque é o primeiro co que se atopan tanto veciños como visitantes e engade que “dificultan o tránsito ós que aparcan o seu vehículo no aparcadoiro de uso público (en terreos privados) ó atoparse ó lado do mesmo”.

Finalmente, o voceiro popular lamenta que as beirarrúas desta zona leven máis de 5 anos nese estado e afirma que “en lugar de ser una prioridade o acondicionamento das mesmas, o Alcalde prefire gastar en colocar vallas propagandísticas e con información manipulada o lado das mencionadas beirarrúas”.