Vías e Obras segue adiante cos traballos de mellora da rede de saneamento en Abelenda

A Concellería de Vías e Obras, que dirixe Manuel Carrera, ven de iniciar os traballos para a mellora do saneamento no lugar de Abelenda, na parroquia de Pontellas, traballos que durarán ata os primeiros días do mes que ven.

Os mesmos consisten na substitución de parte da rede que chega a esta parte da parroquia e que, cando estean rematados, permitirán dar servizo a nove vivendas e a o bar da Comisión de Festas de San Pelayo.

Manuel Carrera subliña que esta é unha obra demandada polos veciños e que se enmarca dentro de todas as que está a impulsando a Concellería de Vías e Obras, “en todas as parroquias, ven sexa con fondos do propio Concello, como neste caso, ven optando a subvencións  ou asinando acordos de colaboración con outras entidades, organismos e administracións, o que permite que as mesmas non teñan custo algún para as veciñas e veciños do Porriño”.