O luns 29 de maio, Christian Casares Berg, o fillo máis novo do escritor homenaxeado este ano no Día das Letras Galegas, Carlos Casares Mouriño, visitou o CEP Carlos Casares de Alxén, en Salvaterra de Miño, para ter un encontro co alumnado do centro que leva o seu nome desde o ano 2002.

Xa no ano 2000 fora o seu pai quen o fixera para apadriñar unha aula do centro, a de 4º, e, máis tarde, a súa nai, en 2003 para descubrir a placa co novo nome do centro. Complétase así un ciclo neste ano das Letras Galegas dedicado a Carlos Casares.     O acto resultou moi emotivo, tanto para o fillo de Casares como para o alumnado e mesmo para o profesorado.