Axentes da Policía Autonómica da Xefatura de Vigo informaron esta semana do esclarecemento dun incendio forestal no concello pontevedrés de Crecente.

Os axentes da Policía Autonómica de Vigo procederon á imputación de dous varóns, como presuntos autores dun incendio ocorrido o pasado 7 de xuño, na parroquia de Albeas no concello de Crecente.

O lume afectou a unha superficie rasa de 0,11 hectáreas, e produciuse cando os investigados realizaban unha queima de xeito neglixente. Polos feitos descritos, tramitáronse dilixencias remitidas ao Xulgado de Instrución de Ponteareas.

Na actual campaña anti-incendios forestais do 2017, un total de 44 persoas foron detidas/investigadas pola Policía Autonómica como presuntas autoras de incendios forestais.