O Concello de Tomiño emprende esta semana obras de reparación e mellora das pistas de tenis e pádel situadas na Área Deportiva do Mosteiro, a carón do colexio público Pedro Caselles Beltrán.

 

 

A intervención consistirá en arranxar, pintar e outras obras de mantemento, de cara ao verán; época do ano na que se produce un aumento considerable na utilización das instalacións, públicas e gratuitas, e nas que ademais se imparten os campus de tenis e pádel durante os meses de xullo e agosto.

 

 

O concelleiro de Deportes, Ismael Troncoso, pide "disculpas polas posibles molestias ocasionadas e explica que as melloras son necesarias para asegurar condicións de seguridade e calidade de uso para os usuarios".