O vindeiro martes, 27 de xuño, o programa 'Encontros coa alcaldesa' reunirá no marco do Parque de Torroso (xunto a ASODIFISI-Asociación de Diminuídos Físicos e Psíquicos de Mos) á rexedora local mosense, Nidia Arévalo, e ás persoas con algunha discapacidade física e/ou intelectual do municipio e ás súas familias.

Dende o Concello anímase aos interesados en participar a achegarse ata Torroso o martes día 27 ás 20.00 horas.
‘Encontros coa alcaldesa’ é unha iniciativa pensada para que os diferentes colectivos sociais do Concello de Mos poidan charlar de ti a ti e en persoa coa rexedora local, Nidia Arévalo, facerlle consultas, plantexarlle suxerencias, trasladarlle opinións, etc.

Os seguintes colectivos aos que se convocará serán o alumnado do Instituto, empresariado, deportistas e usuarios de instalacións deportivas, voluntariado e asociacionismo social, mulleres, agrupacións culturais, mocidade en xeral, universitarios, etc.