O conservatorio de Ponteareas conta xa cunha nova cuberta e tratamento de impermeabilización. A Concellería de Ensino ven de rematar as obras de retirada da anterior cuberta baixa para substituíla por unha nova, procedendo antes á impermeabilización do encontro da cuberta co módulo principal do edificio en todo o seu perímetro.

Así o proxectou a Oficiña Técnica Municipal do Concello de Ponteareas, pero ademáis este final de curso amén se acometerán obras nos baños e no exterior do edificio do conservatorio para erradicar as permanentes humildades ocasionadas pilas filtración de agua nos días de choiva.

A Concelleira de Ensino, Cristina Fernández, explica que “esta foi a primeira actuación neste edificio para impedir as entradas constantes de auga e humidades”.

 

A Concellería de Ensino contará cun estudo que permita coñecer o estado xeral do edificio para comezar a acometer as obras pertinentes

 

Fernández adianta que para o vindeiro ano agardan dispor dun proxecto que “nos permita coñecer o estado xeral do edificio e poder comezar a executar en canto sexa posible novas fases que consistirán na reposición da cuberta principal, o cambio das xanelas e a instalación dun sistema eficaz de proteción contra a luz solar”.

Ademais, a Concellería de Ensino ten como obxectivo que con estas actuacións se consega unha maior eficiencia enerxética e confort do alumnado.

“Este gobierno da así resposta ás peticións da Comunidade Educativa que durante tanto tempo solicitou melloras nas instalacións desatendidas noutras lexislaturas”.

O investimento total das obras foi de preto de 40.000€ repartidos entre o Plan de Concellos da Deputación e fondos propios.

Cristina Fernández aproveitaba para felicitar aos alumnos que acadaron algunha mención como os tres alumnos que foron seleccionados para a Banda Sinfónica Xuvenil de Galicia ou os tres que participaron no concurso Mestre Soutullo.