O ‘Premios de Educación do Concello de Salvaterra de Miño’  naceron co ánimo de incentivar o estudo e reforzar actitudes e hábitos relacionados co traballo, esforzo, participación e convivencia entre os xóvenes.  Un proxecto máis froito da interacción e colaboración entre os Centros Educativos do Municipio e o Concello, na busca de incentivar, animar e premiar o esforzo dos estudantes, hábitos que marcarán o seu futuro e que os poñerán en valor como persoas e profesionais.

Toman parte nesta convocatoria o alumnado do Instituto de Educación Secundaria e máis dos tres centros de educación primaria de Salvaterra de Miño, CEIP Infante Felipe,  CEIP de Leirado e CEP Carlos Casares, que cumpran os requisitos imprescindibles que sinalan para cada unha das distintas etapas educativas que se establecen nas bases.

Así este pasado mércores 5 de  xullo entregábanse os premios, e, tal e como establece as bases, repartiron 14 lotes informáticos compostos por unha ‘Tablet Samsung Galaxy’, funda,  Powebank e tarxeta de memoria de 32 GB, para os nenos e nenas de primaria, ESO e Ciclo de Caldeirería e Soldadura.          

Ademais repartiron tres bolsas de estudos para os mellores expedientes  de 2º de Bacharelato, que consistirán nunha viaxe a Reino Unido co obxecto de perfeccionar a lingua inglesa. A bolsa inclúe os seguintes servizos:  viaxe de ida e volta, aloxamento en familia en pensión completa, curso de inglés xeral de 3 semanas con profesorado nativo, actividades, programa social, excursións, tarxeta de transporte e seguros.

O Concello de Salvaterra foi un dos primeiros e dos poucos que a día de hoxe premian a excelencia académica pondo en valor o esforzo escolar. A posta en marcha desta iniciativa é “premiar” os mellores estudantes foi froito da colaboración e traballo conxunto entre a administración local e os centros educativos do municipio para fomentar o traballo nas aulas e de paso, evitar o fracaso escolar incentivando o esforzo e premiando o traballo e a constancia, ademais da propia actitude do alumnado. Así o que nun principio se enfocou unicamente aos estudiantes do IES Salvaterra, fai oito anos ampliouse e agora abarca tamén aos centros educativos de Primaria.

Precisamente a Concelleira de Educación, Marta Valcárcel, no acto de entrega destes premios, puxo de relevo "o traballo, dedicación e implicación tanto dos equipos directivos como do profesorado dos centros escolares, que buscan continuamente incentivar aos seus alumnos", sen esquecerse "do apoio da propia familia, xa que moitas veces son o eixo central do éxito destes estudantes".  Valcárcel, felicitou aos premiados/as deste ano desexandolle "as mellores das sortes na nova etapa que encetan a partires de agora". 
 

PREMIADOS “XII CONVOCATORIA Premios Educación 

Curso 2016/2017”

1.- LOTES INFORMÁTICOS                   

* Colegios de Primaria:

1.1)  CEP CARLOS CASARES ALXÉN   

1.- CRISTIAN PÁRAMOS LÓPEZ

2.- NOA FERNÁNDEZ PEREIRA

1.2)  CEIP de LEIRADO  

1.- AROA GONZÁLEZ FERNÁNDEZ

2.-MARA AMIL ARAÚJO

1.3)  CEIP INFANTE FELIPE DE BORBÓN

1.-HUGO FERNÁNDEZ MONTEIRO

2.-SARA FERREIRA PEREIRA

3.-CLARA ÁLVAREZ RODRÍGUEZ

4.-XOÁN ÁLVAREZ ALDIR VILLAVERDE

5.-UXÍA SÁNCHEZ OTERO

* I.E.S de Salvaterra de Miño 

1.1)  4º  E.S.O 

1.- SARA FARO LUBIÁNS

2.-SABELA PÉREZ CASTRO

3.-ALBA BLANCO VEIGA

1.2)  CICLO MEDIO DE SOLDADURA E CALDEIRERÍA:

1.- ***LUIS ARES FERNÁNDEZ

1.3)  FP BÁSICA DE CARPINTARÍA E MOBLE:

1.- **ADRIÁN RIVEIRO LOURENÇO

2.-BECAS DE ESTUDIOS  (Inglaterra -Worthing) (Instituto)

o   Xaquín Alves González 

o   José Iglesias Moure 

o   Aida Landqvist Souto