A secretaria xeral da Igualdade, Susana López Abella, reiterou o compromiso do goberno galego que este ano, por primeira vez, destina unha partida especifica nos orzamentos 2017, para as asociacións, organizacións e colectivos LGTI.

Susana López Abella asinou hoxe o convenios de colaboración cos colectivos Chrysallis-Galicia e Nós Mesmas, onde indicou o firme compromiso do goberno galego para garantir que todas as persoas, independentemente da súa orientación sexual e identidade de xénero, poidan exercer plenamente os seus dereitos con dignidade e liberdade.

 

López Abella indicou que o obxectivo é apoiar ás organizacións e entidades que desenvolven actividades de promoción e defensa dos dereitos e intereses de gays, lesbianas, transexuais, bisexuais e intersexuais

 

O obxectivo do goberno galego, segundo indicou a titular de Igualdade, é apoiar ás organizacións e entidades que desenvolven actividades de promoción e defensa dos dereitos e intereses de gays, lesbianas, transexuais, bisexuais e intersexuais. Cada convenio conta cun orzamento de 3.000 euros para que as asociacións poidan levar a cabo actividades e programas dirixidos á promoción, aplicación e desenvolvemento de actuacións e medidas destinadas a avanzar no fomento e a promoción da igualdade de oportunidades, da visibilidade, sensibilización e da non discriminación do colectivo LGTBI.

López Abella lembrou que Galicia foi a primeira comunidade autónoma que contou cunha Lei que consolida o principio de igualdade de trato e non discriminación por razón de orientación sexual e identidade de xénero das persoas LGTBI, sendo unha Lei integral na que se inclúen medidas con carácter transversal que abranguen a todos os ámbitos, policial, xudicial, laboral, familiar, da saúde, educación, cultura, do deporte, da comunicación e da xuventude.