O espectáculo está programado para o domingo día 6 de Agosto ás 20:00h, no Auditorio do Centro Dotacional de Torroso. Nesta ocasión, o grupo de baile e música  O Fiadeiro, pretende con este gran espectáculo dar mostra da sua ampla traxectoria ,  por iso para esta proposta, contará cún repertorio baseado en pezas e bailes do seu propio arquivo, que adaptará ás necesidades do momento.

Sara Cebreiro, Concelleira de Cultura, mostrou a súa ilusión por poder contar para estas datas con esta actuación, “Animo a todos os veciños a acudir a Torroso para desfrutar de esta función , xa que O Fiadeiro creará o en 80 minutos un espectáculo único, espontaneo e persoal, polo que non haberá dous espectáculos iguais”.

Para esto, O Fiadeiro, contará có grupo de baile, grupo de pandereteiros, pandereteiras e da súa charanga, para animar á xente a que participe.

Un total de 50 persoas no escenario repartidas nas diferentes seccións de baile e música, interpretarán temas variados, en canto a ritmos e formacións se refire.

O máis importante feito por O Fiadeiro é sen dúbida a organización e representación de espectáculos de gran formato como “A última verbena”, ambientada na Galiza da postguerra ou a sua gala denominada “Esta Noite Hai Unha Fía” que xa vai pola novena edición. Espectáculo donde ó longo de case dúas horas se mostran esceas de vidas pasadas das aldeas de toda Galiza no que a música e o baile máis tradicional son protagonistas.

O Fiadeiro tamén participou en eventos tan importantes como diversos programas de televisión, espectáculos en diversas localidades do estado español aínda que máis destacable é a súa participación no VII Encontro para a promoción e difusión do patrimonio inmaterial dos Países Iberoamericanos en Venezuela, en varias edicións do Festival Intercéltico de Lorient na Bretaña Francesa así como no Festival Intercéltico “Céltica” celebrado no val italiano de Aosta.

As entradas a un precio de 5 € poderán ser mercadas ata completar o aforamento, nas oficinas do Centro Dotacional de Torroso e nas Oficinas do Multiusos das Pozas de Petelos.