A Concellería de Ensino do Concello de Ponteareas adianta que xa está publicada a listaxe de admitidos para o comedor escolar do CEIP Fermín Bouza Brey. A listaxe pode consultarse
na páxina web do Concello de Ponteareas

O horario do servizo de comedor é a partir das 14 horas enlazando directamente co remate da xornada escolar e quedando ao cargo dos monitores ata as 16 horas que os veñan recoller as familias ou  momento en que comezan as actividades extraescolares no Colexio.

“Os/as monitores/as atenden ao alumnado unha vez que rematan de xantar e quedan con eles aprendendo hábitos de vida saudables ou introducíndose en actividades deportivas, entre outras moitas actividades que realizan nese tempo. Para facilitar a conciliación familiar o persoal encargado deixa aos pequenos e pequenas directamente nas actividades extraescolares no caso de que os pais ou titores legais así o indiquen previamente”, explica a Concelleira de Ensino, Cristina Fernández.