O grupo socialista presentou no derradeiro pleno unha moción na que denunciaba o abuso que Gas Natural-Fenosa están impoñendo os consumidores, mediante os equipos de medida. "Esta imposición consiste nos cambios de equipo de medida onde eles se escudan nunha normativa europea. Dita normativa di que se teñen que implantar equipos dixitais con discriminación horaria sen especificar quen ten que asumir o seu custo" explican.

Emilio Muiños, vicevoceiro do grupo socialista, di que "co diñeiro aforrado por parte das eléctricas tiñan que asumir o custo dos cambios como mínimo, xa que bastante dano están facendo eliminando postos de traballo".

Esta moción sometida a votación foi aprobada co voto favorable do PSdG-PSOE de Mos, Partido Popular e BNG e a abstención de Gañamos. "Gañamos argumenta que como a moción foi presentada polo Partido Socialista non a apoian, mirando pola rivalidade política antes que polos intereses dos consumidores de enerxía eléctrica" explican dende o Partido Socialista que califican esta actuación de "irresponsabilidade política".