A directora de Turismo de Galicia, Nava Castro, asistiu esta fin de semana á LVIII Festa do Viño do Condado do Tea, no Castelo de Salvaterra do Miño. Acompañada polo delegado territorial da Xunta en Vigo, Ignacio López-Chaves, Nava Castro felicitou aos organizadores, aos novos membros da Confraría do Viño do Condado do Tea e Espumosos e aos declarados como Viños Deliciosos do Ano.

A directora lembrou que a comezos desde mesmo mes de agosto asinouse o convenio entre o Concello e distintos departamentos do Goberno galego que permitirá a execución do novo Centro de Interpretación do Viño do Condado do Tea. Cun investimento de 300.000 euros, segundo sinalou Nava Castro “porá en valor e promoverá os viños da zona e converterase nun novo recurso turístico para os viaxeiros que visitan” esta comarca do sur de Galicia.

Neste sentido, salientou que o viño é “una das sinais que identifican a cultura da nosa terra é no Condado do Tea acada unha das súas mellores expresións”. Por iso, afirmou, Turismo de Galicia traballa na promoción do enoturismo, que é “sinónimo de calidade e outorga un gran valor engadido ao nosa oferta que, combinada con outros elementos, fainos singulares”. 

Ante isto, animou a saber orientar estes recursos, que especializan e diversifican a oferta e desestacionalizan a demanda, e aproveitar a súa capacidade de desenvolvemento.

“Alégrame poder comprobar como os viños desta zona son quen de atraer cada ano a máis público. O traballo diario de moitas persoas vese recompensado estes días co aprecio dos galegos e dos viaxeiros de fora de Galicia que se achegan a Salvaterra do Miño”, afirmou.