A Asociación Deportiva Tomiño de Fútbol Base invita a nais, pais e familias así como ao público xeral a acompañar aos seus xogadores na presentación oficial de todas as categorías para a temporada 17/18. O acto de presentación terá lugar este sábado 2 de setembro no campo de A Carballa dende as 17:00 e incluirá encontros amigables.

Despois de pechar a temporada 16/17 por todo o alto, cumplindo con creces os obxectivos en todas as categorías, a AD Tomiño bota a andar un curso máis con moitas novidades, con caras novas entre os xogadores e adestradores e con ilusións renovadas ante os retos que presenta a nova temporada.

Por iso invita a toda a afección a unirse no acto fesitvo da tarde do sábado na que se disputaran catro encontros amigables nos que xogarán, ás 17:00, os Benxamíns A e B e ás 18:15 os Alevíns A e B, todos os encontros ante os seus equivalentes do Porriño Industrial FC.

Ao rematar os partidos procederase á presentación de todas as categorías para que o público poida coñecer aos novos equipos e, como fin de festa, terá luga a xa tradicional chourizada.

Un ano máis, a directiva e o corpo técnico da AD Tomiño, buscarán facer realidade o lema “Facendo canteira, formando persoas” e invitan a pais, nais e público en xeral a que acompañen ao club nesta nova tempada que comeza.