A Policía Local de Ponteareas, na última quincena do mes de agosto, intervíu a tres condutores cunha tasa de alcohol en sangue por aire espirado que resultou na imputación de sendos delitos contra a seguridade viaria polo que se lles citou para comparecer ante o Xulgado da Guarda para a celebración do xuizo rápido.

Estos condutores foron interceptados cando circulaban polas rúas do casco urbano e ante a condución irregular desuelles o alto. Os axentes observaron que podían estar baixo a influenza de bebidas alcohólicas polo que se lle realiza a correspondente proba dando como resultado superior a 0,60ml.

Cabe destacar que un dos implicados sextuplicaba a tasa de alcohol permitida, e xa tiña sido imputado polo mesmo delito contra a seguridade viaria un mes antes, data na que se negara a someterse ás probas.

Noutra ocasión os axentes imputan un delito de roubo con forza nun vehículo estacionado no que se sustraíra unha carteira, localizando ao presunto autor, polo que se instruiron dilixencias ao Xulgado en calidade de investigado.

Ademais, en actuacións contra o menudeo e consumo de estupefacientes en parques públicos da localidade, os Axentes interviñeron varias doses de cannabis, polas que se instruiron actas á subdelegación do Goberno pola tenencia e consumo en lugares públicos.

A Concellería de Seguridade Cidadá e Mobilidade, que dirige Vanesa Fernández Soage, segue a traxectoria dende o comezo do seu cargo de priorizar a persecución destes delitos, e contar con maior presenza policial nos parques, por iso, unha vez máis, solicita á colaboración cidadá e valora positivamente a actuación dos axentes da Policía Local de Ponteareas e a súa profesionalidade.