Para tódolos gustos. Así será a oferta gastronómica da que poderán disfrutar os asistentes este sábado á Festa Cidade Europea do Viño. Desde as hamburguesas vexetarianas, de polo con bacon ou porco e chourizo de Lumelento, ata o bocata de porco celta e encurtidos, pulpo a feira con patacas, ovos fritos con pan de millo, bocata de embutidos caseiros ou as conservas de Pepa a Loba e Pandemonium.

Para endozar a boca e de sobremesa, Crema del cielo será a encargada de ofertarnos un amplo surtido de doces, filloas, café e té.

Todo complementado coa mellor oferta de Paco e Lola que se poderá adquirir nas barras da Festa, convertíndoo nun dos poucos festivais onde se pode disfrutar da maridaxe perfecta entre gastronomía, música e viño.

 

O mercadillo contará coas ultimas propostas en moda e ilustración. Tamén haberá unha escolma de elepés para tódolos gustos

 

No tocante ao mercadillo, poderemos desfrutar dos últimos deseños dunha das marcas máis punteiras da moda en Galicia, Vónava, así como da ropa vintage de Flamingos ou das ilustracións e láminas de Wild Margarita.

Será a ocasión perfecta para facerse con exemplares de coleccionista na tenda de Joe ou de achegarse ao mundo do roller derby da man das Brigantias.

Estarán no recinto durante toda a duración do festival, que abrirá as súas portas ás 12 da mañá e que ten entrada de balde.