Nun encontro celebrado o día 12 de setembro entre o Concelleiro de Novas Tecnoloxías do Concello de Ponteareas, D. Benito Márquez, e varios membros da Xunta Directiva da Escola de Música de Xinzo encabezados polo seu Presidente, D. Francisco Represas, acordouse a colaboración desta Concellería coa Escola de Música de Xinzo no relacionado coas Tecnoloxías da Información e da Comunicación (TICs). Segundo as propias verbas de Francisco Represas, “o Concelleiro comprometeuse a dotar á Escola de Música de Xinzo dun equipo informático acorde ás necesidade reais na nosa organización”.

Na actualidade a Escola de Música de Xinzo está realizando un profundo proceso de modernización co fin de aumentar a súa calidade docente e organizativa. Un dos eixos de mellora relaciónase coas Tecnoloxías da Información e da Comunicación, e a informatización de tódolos seus procesos administrativos e contables.

Neste curso 2017/2018 a Escola de Música de Xinzo conta con máis de 100 alumnos e alumnas e un cadro 10 profesores que fan posible que se podan ofertar todas as especialidades musicais. Ademáis, neste curso descentralizase a súa actividade a diferentes parroquias do Concello de Ponteareas como son Prado, Moreira ou Arcos entre outras, co obxectivo de achegar as ensinanzas musicais a maioría da poboación das parroquias do Concello de Ponteareas.

Dende a Xunta Directiva da Escola de Música de Xinzo agradecemos ao Concelleiro de Novas Tecnoloxías do Concello de Ponteareas a sensibilidade mostrada ante a Escola de Música, desexamos que esta colaboración comprometida de faga efectiva nas próximas datas.