Está aberto o prazo de matrícula para a nova edición do curso de cine, organizado polo MARCO e dirixido por José Manuel López.  O Prezo é de 190€ (desconto do 20% para membros da Agrupación de Amigos do MARCO e para estudantes, previa acreditación).

Este curso está composto por 23 sesións nas que os corpos, a pel, o carnal e pulsional ocuparán sempre o primeiro plano. Sesións dedicadas xenericamente a cineastas, por suposto, pero tamén a actrices e actores porque tamén eles son creadores que, película a película, pel a pel, levantan unha filmografía que termina adquirindo a forma do seu propio corpo.