O Concello de Mos organiza unha andaina pola nova senda circular peonil que une as parroquias de Petelos e Tameiga. A actividade realizarase o vindeiro xoves, día 21 de setembro, ás 19.00 horas e terá como punto tanto de partida como de regreso o Pavillón Óscar Pereiro.

A andaina, con participación libre e de balde para tódolos/as interesados/as en participar, non require inscrición previa e está organizada pola concellería de Participación Cidadá mosense que dirixe a edil Julia Loureiro.
A lonxitude que se percorrerá a pé durante esta andaina ascende a un total de preto de 6 quilómetros e a devandita ruta ten uhna dificultade de realización baixa polo que é apta para a poboación xeral. Para obter máis información sobre esta iniciativa están habilitados o teléfono 986339404 do departamento de Participación Cidadá e/ou o correo electrónico omix@concellomos.es

Detalles sobre a senda
A senda peonil circular que une as parroquias de Petelos e Tameiga conta cunha lonxitude total de preto de 6 quilómetros. A obra foi íntegramente financiada con fondos propios municipais.

Exactamente a Senda Peonil Circular Petelos-Tameiga ten una extensión de 5.792 metros, 2.031 dos cales están formados por unha senda verde pintada sobre o asfalto, outros 3.011 metros son de senda que transcorre por beirarrúa e 750 metros da senda corresponden a camiño de terra.

A parte da senda que transita por terra se trata dun antigo camiño recuperado que os vecinos tiñan moito interese en poder volver a usar. Trátase do Camiño de Ponteareas, que discorre entre arboleda e muros de pedra tradicionais, e que con esta actuación se puxo en valor, xa que estaba invadido pola maleza e non se podía transitar por el, de xeito que os viandantes atravesaban as diferentes fincas colindantes para lograr chegar aos seus destinos. Este camiño sinalizouse acorde coas súas características rurais mediante carteis indicadores de madeira acordes co entorno que se mimetizan con entorno natural.

Ademais dos sinais de madeira instalados no antigo Camiño a Ponteareas a senda circular conta con sinalización en diversos puntos. Así, xunto ao Pavillón Óscar Pereiro colocouse un gran panel informativo e procedeuse á instalación doutros dous iguais na Porteliña e xunto á Igrexa de Tameiga. E en ambos puntos colocouse tamén cartelería de madeira. Ademais ao longo de todo o percorrido instalouse sinalización horizontal e vertical que dá preferencia aos peóns para incrementar á súa seguridade viaria, así coma bandas reductoras de velocidade para os vehículos.

Esta senda, pode ser realizada en ambos sentidos, ao tratarse dun traxecto circular. O sendeiro é unha ruta circular que se pode percorrer enteira, para rematar no mesmo punto onde se comenzou o traxecto. Ao longo do sendeiro existen numerosas indicacións que permiten un maior disfrutee comprensión do singular patrimonio natural, cultural e etnográfico do mesmo.