Para Miguel Anxo Aldea Moscoso, Portavoz do Grupo Municipal do BNG de Mos, “a realidade pon no seu sitio aos gobernos que basean  o seu traballo na propaganda. Xa van moitas veces que o PP de Mos sae a presumir de xestión económica, pero por suposto con datos coma éste , pódese ver que non é así”.

O dirixente nacionalista explica “non é que o diga o BNG, se non que é o propio ministerio de Facenda que comunica, que dentro dos concellos da provincia de Pontevedra, Mos ocupa un dos postos da cola en canto a rapidez no pago a provedores”.

Para o Portavoz do Grupo Municipal do BNG “por moito que presuma o goberno local, queda demostrado que non é todo verdade o que publicitan, e as empresas que suministran aos concello sofren unha tardanza de 89 días en cobrar, e para o BNG eso non ten desculpa. Hai que cumprir a Lei, pero o que pasa é que para o PP hai Leis de primeira e de segunda” explica nun comunicado de prensa emitido este passado martes.