Logo das avaliacións de recuperación, o Conservatorio municipal de Ponteareas comeza a actividade lectiva este venres día 22 cun incremento do número de matrículas,  aproximadamente 15 matrículas máis que o curso pasado, durante este semana están tendo lugar as presentacións e encontros entre familias e profesores de cada especialidade instrumental.

Así, onte foi o turno dos de piano, música de cámara e conxunto e percusión. Hoxe martes o alumnado de oboe, gaita, trombón, tuba, trompeta e trompa reúnese para o reparto de horas e mañá mércores día 20 repartiranse as horas de clarinete, saxofón, violonchelo e viola; quedando o xoves 21 para as reunións de violín, guitarra, frauta e piano complementario.

O director do conservatorio, Francisco Abal, destaca o incremento da matriculación  nos nenos de seis anos na escola de música e anima a tódolos cativos a participar no proxecto educativo do conservatorio.

Abal convida tamén a formar parte da Asociación de Pais e Pais do conservatorio., ANPA Adagio co que os interesados/as poden contactar a través do mail anpaadagio@gmail.com

O venres día 22 ás 20:30 horas celebraras unha reunión entre as nais e pais do alumnado, a directiva do centro e a Alcaldía do Concello de Ponteareas.

O conservatorio municipal de Ponteareas imparte formación de quince especialidades instrumentais a máis de 250 alumnos e alumnas. Dezanove profesores espertan, cada novo curso, a curiosidade e a creatividade dos máis novos.