A Deputación de Pontevedra ven de iniciar as obras para a construcción do primeiro dos tres PPS (Pasos de Peóns Sobreelevados) tamén coñecidos coma “lombos” asignados ao Concello de Mos.

Dentro do Plán MOVESE figura este primeiro PPS que se está a instalar esta semana na Estrada Mos – Puxeiros na parroquia de Torroso, este será o primerio dos tres pasos elevados que se construirán en Mos cun orzamento total de 24.677,88 euros.

O deputado Benítez indicou o pasado mes de xuño durante a presentación que “o Plan MOVESE consiste en resolver o problema da seguranza viaria do único xeito posible e efectivo": coa colocación de pasos de peóns sobreelevados –PPS–, lombos e redutores físicos –RFVV–. "A nosa intención é rebaixar a velocidade ata conseguir os mínimos danos para as persoas cando hai un impacto cun coche. Esa velocidade son os 30 quilómetros por hora e só se consegue mediante dispositivos físicos. Pódense instalar radares, sinais, poñer multas… pero a única actuación efectiva son os elementos físicos que obrigan a frear o coche", argumentou Benítez.