Logo de confirmar que desde esta mañá non hai ningún incendio de situación 2 en toda a Comunidade, o presidente da Xunta subliñou que o Goberno galego está xa a avaliar os danos provocados pola vaga de lumes dos últimos días. O obxectivo é axudar, asegurou, en primeiro lugar, ás persoas que perdesen a súa vivenda habitual. “Se teñen un seguro, axudarlles a cobralo e se non o teñen temos que estudar unha resposta” abundou, subliñando que tamén se avaliarán os danos ambientais.

 

Destaca unha vez máis o traballo dos servizos de extinción, a súa profesionalidade, así como a solidariedade do pobo galego

 

Durante unha visita xunto á ministra de Agricultura, Pesca, Alimentación e Medio Ambiente, Isabel García Tejerina, ao Centro de Coordinación de Incendios, Feijóo quixo destacar unha vez máis o traballo dos servizos de extinción, a súa profesionalidade, así como a solidariedade do pobo galego.