Unha vez aprobada a moción de censura que levou á alcaldía de Tui a Carlos Vázquez Padín o Colectivo Contra a Moción de Censura en Tui emitiu un comunicado no que amosan "agradecemento ás numerosísimas persoas de Tui que nos deron o seu apoio, e mobilizáronse, no labor de desvendar os intereses agochados detrás deste cambio de goberno e as mentiras nas que se basea".

Tamén aseguran que manterán  "a existencia como Colectivo activo no tempo que dure o mandato desta Corporación Municipal, até o ano 2019".

Por último rexeitaron "os comportamentos dalgunhas persoas que no Pleno  proferiron insultos e ameazas. A este respecto, unha vez máis, manifestamos o noso desexo de que os pronunciamentos políticos se fagan sempre con respecto ás persoas e mantendo as normas civilizadas de convivencia".