O Concello de Salvaterra de Miño, a través da súa 1ª Tte de Alcalde e Concelleira de Educación Marta Valcárcel, ven de presentar unha Campaña de Consumo de Lácteos dentro das aulas, actividade  organizanda polo Concello dende fai anos e que se pon en funcionamento normalmente co inicio do Curso Escolar.

 
Máis de 800 nenos e nenas de Infantil, Primaria e do Centro Rural Agrupado serán os beneficiarios desta campaña de consumo de lácteos que busca crear hábito ente os nenos e nenas do municipio, co consumo neste caso de iogures bebibles, apostando dende un primeiro momento polo consumo de produtos galegos, neste caso leite 100% galega.

 
Organismos Internacionais recomendan os lácteos como alimento indispensable para a nutrición humana, xa que son especialmente ricos en proteínas e calcio de fácil asimilación, nutrientes moi importantes nas etapas de crecemento, así como para o mantemento da masa ósea e muscular. O seu consumo ten grandes beneficios xa que é un excelente aporte de proteínas, unha fonte natural de calcio, axudando a formar e manter óseos e dentes sans, contén fósforo, magnesio, potasio e vitamina A.
 

Un consumo diario ten uns grans beneficios, polo que con esta campaña preténdese promover e crear un hábito de consumo diario deste produto, a través do reparto de iogures líquidos, que cada centro distribúe de acordo co seu programa de actividades.