Un incendio urbano, declarado esta tarde en Salvaterra de Miño, calcinou parte dunha vivenda. As lapas queimaron o primeiro andar e o tellado da casa, situada en Goiende, na parroquia de Fornelos.

Unha persoa particular alertou ao 112 Galicia ás 13:00 horas. Explicou que o lume se declarara, posiblemente, por dun curtocircuíto. Segundo engadiu, nese intre non había ninguén no interior do domicilio.

O persoal do Centro Integrado de Atención ás Emerxencias do 112 puxo os feitos en coñecemento dos Bombeiros do Baixo Miño, do GES de Ponteareas e da Garda Civil.

O incendio quedou sufocado contra as 15:15 horas desta tarde.