En Salceda de Caselas, onte unha persoa resultou ferida tras sufrir unha saída de vía. O seu coche acabou esnafrándose contra unhas pedras. Os feitos tiveron lugar nunha das vías do Polígono do Cerquido.

Unha persoa particular chamou ao 112 Galicia ás 20:10 horas da pasada tarde. Acto seguido, dende o CIAE do 112 informouse ao 061-Urxencias Sanitarias, aos Bombeiros do Baixo Miño, á Policía Local e á Garda Civil de Tráfico.