Unha colisión entre dous coches saldouse esta tarde con dúas mulleres feridas no Porriño. Segundo os datos facilitados ao 112 Galicia, as vítimas tiveron que ser trasladadas ao hospital Virxe de Fátima.

O accidente tivo lugar na N-120, concretamente no punto quilométrico 652. Foi un particular quen contactaba co 112 Galicia ás 15:45 horas para dar conta do ocorrido.

Acto seguido, dende o Centro Integrado de Atención ás Emerxencias (CIAE) 112 Galicia pasouse o aviso ao 061-Urxencias Sanitarias, á Garda Civil de Tráfico, aos Bombeiros do Porriño e a Protección Civil.