Unha colisión, na que se viron implicados tres vehículos, deixa seis persoas feridas. O accidente produciuse no Porriño, no quilómetro 18 da A-55, en sentido Tui.

Unha persoa particular chamou ao 112 Galicia ás 18:00 horas de onte para dar a voz de alarma. Segundo indicou, nun dos vehículos implicados declarouse un pequeno incendio, sufocado minutos despois polas propias persoas implicadas.

O persoal do Centro Integrado de Atención ás Emerxencias do 112 Galicia puxo os feitos en coñecemento do 061-Urxencias Sanitarias e dos Bombeiros do Baixo Miño. Tamén se alertou a Protección Civil e á Garda Civil de Tráfico