Unha muller resultou ferida hoxe en Mos tras ser atacada por un can. Os feitos ocorreron sobre as 12:30 horas deste mediodía, na Rúa Carballeira,  en Cela.  Foi a esa hora, cando un particular chamou ao 112 Galicia para pedir axuda.  Solicitaba asistencia sanitaria para unha veciña maior que fora atacada por un can.

A partir de aí, dende o 112 pasouse aviso ao 061-Urxencias Sanitarias que desprazou unha ambulancia ata o lugar. Tamén, os feitos foron postos en coñecemento dos axentes da Garda Civil, da Policía Local e do Servizo de Emerxencias Municipal. Finalmente, os efectivos de Protección Civil confirmaron o traslado da muller ao Hospital Álvaro Cunqueiro de Vigo.