Coincidindo co Día Mundial da Dislexia,  Cidadáns Cs Galicia, ínsta á Xunta a elaborar un plan de medidas que permitan a detección e atención temperá a menores con Dislexia.

Tal como explica Olga Louzao, Portavoz de Cidadáns en Galicia a dislexia ten unha incidencia do 15% entre os españois e dá  lugar a dificultades  en áreas relacionadas coa linguaxe, tales como ortografía, escritura e expresión oral, afectando directamente os resultados escolares.

O que Cidadáns Cs solicita é “que a a Xunta de Galicia elabore un plan para a inclusión dos menores con dislexia, involucrando aos ámbitos sanitario, educativo e social, así como á publicación dunha guía de apoio aos educadores coa información imprescindible sobre a dislexia e outras Dificultades Específicas de Aprendizaxe (DEA)”.

Solicítase ademais, “complementar a programación lúdica e cultural de cada Concello en Galicia con actividades especificamente adaptadas a persoas con dislexia, elaborar un plan de axudas ás familias que minimice calquera barreira socioeconómica para a súa superación por parte dos menores afectados e establecer anualmente, no marco do Día Mundial da Dislexia, actos que permitan dar visibilidade a esta diversidade cognitiva favorecendo con iso a inclusión das persoas afectadas”.

Cidadáns Cs,  considera fundamental a implementación dunha serie de actuacións nos centros educativos para que este colectivo desenvolver as súas capacidades educativas, emocionais e sociais con todos os seus dereitos e garantías. En palabras da Portavoz do partido: “estas actuacións deben estar dirixidas á detección e identificación temperá, á intervención educativa, á formación dos profesionais e ao asesoramento e orientación das familias”.

Por todo iso desde Cidadáns Cs, “reclamamos a necesidade dun marco normativo e de formación para os docentes que garanta a atención aos alumnos afectados por este trastorno neurológico, que afecta a ao redor dun 15% dos españois e, segundo algúns estudos, pode chegar a ser causa dun 40% do abandono escolar temperán”,  sinalou para finalizar a Portavoz do partido en Galicia.