A parroquia de Guizán, coa colaboración das parroquias de Mos e Torroso, organizou este pasado sábado unha comida-homenaxe na honra do cura párroco Don Manuel Álvarez Pérez, que celebra as súas vodas de ouro como sacerdote de Guizán. Homenaxe á que se sumou tamén o Concello de Mos, que estivo representado pola súa alcaldesa, Nidia Arévalo, pola concelleira de Cultura e Turismo, Política Social, Persoal e Réxime Interno, Sara Cebreiro, e a edil mosense natural da parroquia de Guizán, Julia Loureiro.

A celebración contou coa asistencia de 450 persoas que quixeron estar ao carón do seu sacerdote e amosarlle toda a súa gratitude e afecto por tantos anos de traballo.

A homenaxe a Don Manuel celebrouse o pasado sábado 11 de novembro e os actos desenvolvidos consistiron nunha Misa na Igrexa Parroquial de Santa María de Guizán ás 12.30 horas da mañá, seguida dun xantar de confraternización no Pavillón Óscar Pereiro ás 14.00 horas.