Un veciño do barrio porriñés de Orbenlle foi atacado, na xornada de onte, por un enxame de avispas velutinas que lle causaron a morte. Ao lugar dos feitos desprazáronse facultativos do 061 que só puideron certificar a súa morte.

Outra persoa que se atopaba coa vítima realizando tarefas de poda tamén recibiu picaduras aínda que escapou a tempo e puido salvar a súa vida.

Polo momento descoñécese se a vítima do ataque de velutinas era alérxica ou faleceu por mor das múltiples picaduras.