Un ano máis o Concello de Salvaterra de Miño entregará os premios  do Concurso de Slogans Contra a Violencia de Xénero, que organiza en colaboración co IES, e no que participan mais de 200 nenos e nenas. Deste concurso sairá o slogan  gañador co que se  elaborará marcadores de páxina e co se fará unha campaña de concienciación, enfocada en gran medida a poboación máis nova do municipio e co que se busca mellorar a convivencia en sociedade transmitindo valores como a igualdade, a tolerancia, a non violencia e desmitificando estereotipos, aspectos todos eles que adoitan atoparse na base da violencia machista.

Ademais este ano o municipio adheriuse a campaña “En negro contra a violencia” para intentar visibilizar aínda máis esta repulsa e dar tamén a opción a todos/as os/as que queiran a que se sumen, poñendo carteis nos comercios, vestindo os escaparates en negro, pondo panos negros nos balcóns...., en xeral mostrando a súa repulsa a estes actos.

Co lema do ano pasado, a “Liberdade non ten propiedade” elaborouse tamén este ano unhas pulseiras que simbolizan o rechazo a esta lacra social e que serán repartidas o día 24 de novembro, día escollido polo Concello para facer entrega destes premios, entre todas/os as/os asistentes aos diversos actos en conmemoración do día contra a Violencia de Xénero. Actos que comezarán ás 12.00h no salón de Plenos onde se fará entrega dos premios, a continuación  gardarase un minuto de silencio na Praza do Concello que se rompera coa actuación dos  nenos e nenas do IES que cantarán dous temas para visibilizar a problemática da violencia e da discriminación por motivos de xénero, ao tempo que o grupo de teatro do IES de Salvaterra fará unha lectura e interpretación de textos poéticos.