O Goberno Municipal do Porriño presentaba ao pleno celebrado esta semana, por terceira vez, a anulación de subvencións a asociacións e clubs deportivos que, según o executivo, non teñen xustificado debidamente as  últmas axudas concedidas en base aos seus convenios. Dita anulación comprendía a cantidade de 58.100 euros.
"A nefasta xestión deste expediente por parte do Goberno Municipal, que nunha medida insólita presentou unha enmenda da Alcaldía a súa propia proposta en contra do dictaminado na comisión informativa,  impediu que se chegara a levar a cabo a votación do punto, bloqueando o Voto Particular presentado polos populares a esta modificación orzamentaria" explican os populares.

O grupo municipal do Partido Popular, considerando que "se trataba dunha aprobación inicial según o dictaminado en comisión,   solicitaba a revisión das observacións a todas e cada unha das asociacións e clubs incluidas nese listado e os correspondentes informes de Intervención Municipal ao respecto, ao ter constancia de que existen asociacións incluidas por 'motivos descoñecidos' que terían solicitado estas subvencións nos anos 2015 e 2016 e por parte deste  Goberno se pretendían anular".

A intención dos populares, explican, "non era outra que tanto clubs como asociaciones sexan subvencionados polo Concello do Porriño cumplindo  as bases dos convenios . Estas entidades realizan unha importante labor no eido deportivo, cultural e social da vila en todo caso dependen desta achega municipal para seguir desenvolvendo a súa actividade".

 

O PP defende que "tanto clubs como asociacións sexan subvencionados polo Concello do Porriño cumplindo  as bases dos convenios"

 

A proposta do PP incluía tamén, que se aumente ata os 6.000 euros para o club de patinaxe do municipio, o Club Patín Porriño, así­ como, a creación dunha nova partida dotada de 10.000 euros para a recén creada "Asociación Deportiva Avanza".

Para sorpresa dos populares, "tras intentar impedir que se admitise a súa proposta,  o executivo tentaba correr unha nova cortina de fume sobre os seus erros e expoñía, sen incluir esto no expediente nen ter contactado co resto dos grupos, unha serie de actuacións a desenvolver coa única intención de forzar a aprobación dun expediente mal xestionado e, a todas luces, inxusto con varias entidades asociativas e deportivas.  O certo é, que o Goberno do Porriño, comprométese con empresas,  clubs e asociacións a asignar achegas sen contar con partidas orzamentarias precisas e pretende despois, cargar responsabilidades sobre os grupos da oposición. É por esto que, dende o PP, pretenden que estas subvencións se reflexen nun orzamento municipal que seguen agardando, pese a terse anunciado infinidade de veces" aseguran nun comunicado de prensa.

Rematan dicindo que "non foi este o único 'despropósito' da sesión derivado da deixadez do executivo que preside Eva García. Tan só dous puntos, os correspondentes a dúas modificacións orzamentarias chegaron a levarse a votación, pois a Alcaldesa, Eva García, sen máis explicacións retirou da orde do día dous puntos máis, un deles, o relativo ao incremento da partida destinada á productividade".