A oposición socialista dí nun comunicado non entender "a falta de sentido da rexedora do Partido Popular que despois das criticas que recibiu o fracaso de campaña contra a violencia de xénero promovida pola Xunta, decidiu versionala en Mos. Nun ataque de sen sentido, o goberno do Partido Popular está a fomentar que se compare unha muller cun edificio ou cun monumento". Patricia Pérez, voceira socialista di que "si para o PP as mulleres valemos o mesmo ca un obxecto demostran a pouca implicación que teñen cun tema tan serio. Engade que as mulleres somos persoas e merecemos un trato coma tal, non merecemos que nos defendan igual ca se defende un edificio histórico".

A bancada socialista pide "respeto ante un tema que xenera mortes e que se centre en loitar pola erradicación da violencia de xénero en vez de sacar campañas que fomentan o machismo debido a que compara a muller con cousas.  Recordámoslle a o goberno municipal a medida coa pode poñerse a traballar, o CIM (centro de información da muller) posto en marcha despois de presentar unha moción o Partido Socialista aínda que o goberno municipal non o queira recoñecer publicamente. Dito centro permaneceu inactivo despois de vendelo na prensa".

A voceira socialista recalca que "posto que o centro xa está funcionando, bote man del nesta loita en vez de saír na prensa con ocorrencias que só prexudican a posta en valor da muller".