O PP do Porriño insta ao Goberno Municipal a que "acometa de xeito urxente os traballos de arreglo do muro do local social de San Benito no barrio do Outeiro, parroquia de Atios".

"O muro de contención do terreo no cal se asenta a sede da asociación atópase seriamente danado presentando un alto risco de derrumbe. Como se pode comprobar a simple vista. a estrutura de grandes dimensións está cedendo e podería verse comprometida en calquer momento se non se actúa de inmediat" sinalan nun comunicado.

Explican que "a principios deste ano, os veciños solicitaron por rexistro que se levase a cabo a rehabilitación urxente deste muro sen obter resposta algunha. A día de hoxe, non se acometeu ningunha actuación por parte do Concello do Porriño e o estado agravase por momentos.  O estado desta esta estrutura supón un importante risco ao atoparse sobre un camiño transitado polos veciños da zona".

É por eso que dende o Partido Popular, "facéndose eco das demandas recibidas das veciñas e veciños de Atios, piden ao Goberno Municipal que deixen a un lado as excusas, prioricen esta actuación e leven a cabo este arreglo antes de ter que lamentar unha traxedia. Para os populares non existe motivo algún para non acometer estas obras se existe vontade por parte do executivo, que demostrou non titubear á hora de levantar reparos para acometer obras e servizos sen partida orzamentaria consignada".