O Centro Integrado de Atención ás Emerxencias 112 Galicia atendeu un total de 307 incidencias relacionadas co episodio de meteoroloxía adverso entre as dez da noite e as oito desta mañá. A maior parte dos incidentes foron provocados pola caída de árbores e pólas que en ningún causo deixaron persoas feridas.

O maior número de intervencións dos servizos de emerxencias estiveron, pois, relacionadas coa retirada de obstáculos que entorpecía a circulación, que, no maior parte das veces, foron árbores ou pólas, pero tamén a caída de cables.

A provincia da Coruña foi, durante esta madrugada, a que concentrou o maior número de incidencias relacionadas coa meteoroloxía (109), seguida de Pontevedra (74), Ourense (69) e Lugo (55).

Os concellos que rexistraron máis incidentes foron Culleredo, Oleiros, Vilalba, Lugo, Pereiro de Aguiar, Verín, Salvaterra de Miño, Sanxenxo e Boiro.