O portavoz do Grupo Municipal do BNG de Mos,  Miguel Anxo Aldea Moscoso, explica nun comunicado "a obriga que ten o BNG de Mos é velar porque os dereitos dos cidadáns do concello non se vexan mermados por calquera tipo de proxecto que se queira levar a cabo no territorio municipal, sexa cal sexa o promotor de dito proxecto".

Por esta razón, o BNG de Mos mantén "contactos coas Comunidades de Montes afectadas así como proximamente, coas comunidades de augas que verían danadas as captacións que dan auga a centos de veciños" debido as instalación que o R.C Celta pretence facer en Mos.

"A inversión millonaria que parece que vai ter lugar, non é óbice para que as cousas non se fagan ben. Neste caso parece que se comezou a casa polo tellado, e anunciouse un investimento nun proxecto, sen ter asegurado nin un só metro cadrado de terreo", asegura Miguel Anxo Aldea.

O BNG dí que "seguirá fiscalizando todo este proxecto para evitar perxuizos aos nosos cidadáns".