Dende o Partido Socialista de Mos veñen de emitir un comunicado no que lamentan que Mos está vivindo desde que existe o alumeado municipal a "peor etapa da súa historia".

Os socialistas veñen de facer un percorrido polo Concello de Mos donde comprobaron de primeira man "que dende antes e despois do primeiro temporal, moito peor, hai zonas totalmente apagadas, en outras funcionan a metade".

Critican que "as reparacións véñense facendo onde os puntos de luz están entre ramas e seguen sen cortarse para que se sigan deteriorando" engadindo que hai puntos nos que "os cables están engarzados no medio das árbores".

Dende o PSOE local  consideran que "as/os veciñas/os non teñen porque vivir está situación continuamente, cando eles pagan os seus impostos".

As avarías no alumeado público sen arranxar son algunhas das queixas plantexadas en plenos e notas de prensa por este grupo municipal dende fai bastante tempo.