O goberno de Ponteareas convoca unha reunión con todas as comunidades e traídas de augas así como coas asociacións de veciños para o vindeiro martes día 9 ás 20 horas na casa do Concello.

Con motivo da publicación no Diario Oficial de Galicia das axudas para estes colectivos, o goberno de Ponteareas quere explicar aos beneficiarios a liña de subvención e a tramitación da mesma.

“No día de hoxe publicáronse as bases reguladoras e a convocatoria de subvencións para o ano 2018 dentro do Plan específico de acción comunitaria destinado a asociacións veciñais, confederacións, federacións ou unións de asociacións de veciños, comunidades de usuarios de augas e asociacións de mulleres rurais de Galicia, motivo polo que nos queremos reunir para ofrecer o noso asesoramento e axuda na tramitación”, explica o Alcalde, Xosé Represas.