A semana pasada  tivo lugar un intercambio formativo entre os  Obradoiros de emprego “ VALMIEMPREGA II” e “TERRAS  DO  MIÑOR VI”, ámbolos dous promovidos polos concellos de Baiona, Gondomar e Nigrán. O obxetivo foi difundir entre o persoal de ambos obradoiros o propio concepto dos  Obradoiros de  Emprego, dando a coñecer as características propias de cada un, especialidades impartidas e obra a executar.

O encontro tamén serviu para que os alumnos das especialidades de “SERVIZOS DE RESTAURACIÓN “ e “OPERACIÓNS BÁSICAS DE COCIÑA” do O.E. Terras  do  Miñor VI, realizasen unha práctica onde prepararon e serviron un almorzo saudable aos asistentes. Esta actividade posteriormente desenvolverase como parte da obra, con escolares dos centros educativos de concellos de Baiona, Gondomar e Nigrán.

Por outra banda os alumnos da especialidade de “PROMOCIÓN TURÍSTICA LOCAL E INFORMACIÓN Ao VISITANTE” do O.E  Valmiemprega II, tamén realizaron unha práctica-formativa levando a cabo cos asistentes unha “Visita Guiada de interpretación da paisaxe de  Panxón, Praia América e Ramallosa ”. Esta actividade posteriormente desenvolverase como parte da obra con público en xeral e escolares, para a promoción turística dos concellos de Baiona, Gondomar e Nigrán.