Durante a fin de semana dos días 13 e 14 de xaneiro celebrouse nas Somozas (A Coruña) o Campionato Galego de Sala 2018 organizado pola Federación Galega de Tiro con Arco, coa participación de nove arqueiros e arqueiras do Club de Tiro con Arco de Mos, Archers Team, conseguindo tres pódiums e dous primeiros postos fóra de categoría: Luís Argüelles, proclamouse Campión de Arco Composto Masculino, Patricia Pérez,  3ª clasificada en Arco Recurvo Instintivo Feminino, Mony Ledo, 3ª clasificada en Arco Longbow Feminino; e Xes Argüelles e Verónica Presa, primeiros clasificados en Arco Composto Sub 14 e Feminino, respectivamente.

Con estes resultados o Archers Team de Mos mellora, incrementando nun pódium máis, os resultados de 2017. Todo un logro para un Club-Escola, con sede no Concello de Mos, fundado hai pouco máis de dous anos.