O portavoz do principal grupo da oposición mosense, GañaMos Asemblea Veciñal, Francisco Vázquez Troitiño, dimitiu durante a celebración, esta semana, do Pleno e tras presentar a semana pasada por rexistro un escrito a través do que renuncia á súa acta de concelleiro, aludindo a problemas co seu grupo político.

Trotiño asegurou que aceptaba como demócrata que "a asemblea é soberana nas decisións de GañaMos, pero eu por ética e conciencia non podo continuar participando en actuacións coas que non concordo en que sexan o mellor para Mos. Desde 2016 creouse un equipo de prensa e redes sociais á marxe dos concelleiros, e marcouse unha liña de actuación e difusión lonxe da miña forma de pensar". Na que foi a súa última sesión plenaria Troitiño votou apoiando as propostas do goberno, mostrando así o seu descontento con GañaMos.

 

A dimisión de Troitiño non foi unha novidade xa que estaba enriba da mesa dende o pasado mes de decembro, entre os "problemas" esgrimidos trascenderon as desavenencias co seu grupo pola Cidade Deportiva do Celta en Mos.