Un total de 12 empresas presentaron as súas ofertas para a execución da mellora dunhas interseccións na estrada PO-400 entre Salvaterra e Filgueira, concretamente nos puntos quilométricos 19+660 e no 19+700ao seu paso polo Concello pontevedrés de Arbo. Para esta actuación, a Xunta de Galicia ten un orzamento de máis de 218.000 euros.

Esta obra, que ten un prazo de execución de tres meses, busca mellorar a seguridade nestas interseccións coas estradas provinciais a Couto, na marxe esquerda da PO-400, e a Vila, na marxe dereita, situadas nun tramo curvo da estrada. Estes cruces contan con carril central de espera, máis teñen visibilidade reducida polo que os xiros non se realizan nas condicións desexables de seguridade.

 

Para mellorar a seguridade viaria das dúas interseccións, transformarase o cruce nunha glorieta centrada no acceso a Couto, que se complementará cunha semiglorieta no acceso a Vila

 

Para mellorar a seguridade viaria das dúas interseccións, transformarase o cruce nunha glorieta centrada no acceso a Couto, que se complementará cunha semiglorieta no acceso a Vila. Esta solución permitirá acougar o tráfico neste tramo da estrada e a realización de todos os xiros nas condicións desexables de visibilidade e seguridade.

Ademais, previse o acondicionamento de dúas paradas de bus cun pequeno tramo de bieirarrúa, a sinalización dun paso de peóns e a instalación de alumeado. A obra complementase coas partidas habituais de afirmado, drenaxe e sinalización.