A concellería de Xuventude do Concello de Gondomar, dirixida por Nuria Lameiro resolveu por en marcha un curso de operador/a de carretillas elevadoras para capacitar  os asistentes no seu manexo, formar na prevención  de danos e degradacións do material transportado e transmitir un conxunto de boas prácticas. O curso terá unha duración de 30h, das cales vinte serán prácticas.

Os interesados nesta formación terán que inscribirse  cubrindo a  documentación antes do 8 de marzo e entregala no rexistro do Concello de Gondomar. O curso realizarase do 12 ao 27 de marzo en horario de tarde.

Para máis información Oficina Municipal de Información Xuvenil (OMIX) no 986.369.746.