O Concello de Tui solicitou á Deputación de Pontevedra a contratación de  20 persoas en situación de desemprego ao abeiro do Plan de Conservación e Funcionamento de Bens e Servizos Municipais do Plan Concellos 2018. En concreto solicítanse 7 peóns de horticultura xardinería, 2 oficiais de segunda albaneis, un oficial de segunda carpinteiro, un oficial condutor de camión, un oficial de segunda soldador de estruturas metálicas lixeiras,  catro animadores turísticos, dous empregados/auxiliares administrativos para a Biblioteca Municipal, e 2 empregados/auxiliares administrativos de servizos xerais.

Unha vez a Deputación de Pontevedra aprobe a concesión da correspondente subvención será a Oficina de Emprego de Tui a encargada de realizar a sondaxe de candidatos para a selección de persoal entre as persoas inscritas na mesma nos códigos correspondentes a cada praza.  O goberno municipal aposta por facer públicos os códigos solicitados buscando así que os procesos de contratación sexan limpos, xustos e abertos.