Pero o xurado composto polo arquitecto Antonio Soliño, o directivo do IEM Xilberte Manso e o fotógrafo Juán Chamorro decidiu acotar a 10, o número total de fotografías que pasan a fase de valoración popular, mediante voto telemático. O prazo de votación será ata o 7 de maio.

Tres  das fotos corresponden coa Pedra Moura en Borreiros, dúas en Cotos na Serra do Galiñeiro (Morgadáns),  dúas do Monte Calvo (Vincios) as restantes son da Costa do Chosco (Donas) Matalagartos (Peitieiros) e a Paraguda (Peitieiros).

Pódese votar no seguinte enlace: https://pr.easypromosapp.com/entries/821151, onde as fotos están identificadas co seu lugar e parroquia, ademáis do seu autor. O sistema de verificación co fin de buscar a máxima transparencia no resultado é riguroso, co fin procurar un só voto por persoa e está asociado ao Facebook persoal

Algunhas fotos corresponden ao mesmo lugar, por tanto, os votos recibidos por cada foto dun mesmo lugar, serán sumados e computados para ese emprazamento.

Haberá dúas modalidades de premios: Un para a fotografía gañadora, e outro  para sorteo entre os votantes. O premio é intransferible e consistirá na entrega dun diploma acreditativo, e unha cea para duas persoas no restaurante Brado de Gondomar para a fotografía que máis votos acumule e outro, consistente nun teléfono móbil, donado por EXPERT Gondomar, a sortear entre todos os participantes que emitan votos telemáticos.