A alcaldesa de Mos, Nidia Arévalo, informa á veciñanza mosense sobre a carta que están a recibir nos seus domicilios sobre a regularización catastral, aclara que non se trata dunha notificación de pago ordinario, senón que se trata dun escrito meramente informativo; por iso as cartas estanlles chegando abertas aos destinatarios, tal e como comentan os propios receptores.

Ademais aclárase dende o Concello de Mos que a data especificada nas devanditas cartas, o día 20 de marzo de 2018, non é o prazo límite de pago, senón que o período para efectuar os pertinentes pagamentos é moito más amplo e haberá de ser notificado de xeito ordinario perante correo certificado, deste xeito a falta de pago das débedas antes dese día non implicará en ningún caso o devengo de intereses.  Ao mesmo tempo lémbrase a posibilidade de optar por solicitar  o fraccionamento e/ou aprazamento das débedas ante o  ORAL una vez se notifiquen de forma definitiva.

Neste sentido Arévalo, rexedora local mosense, amósase disgustada coa escasa e confusa información que se está a difundir aos contribuíntes con estas cartas, e rógalle á Deputación de Pontevedra que tome medidas ao respecto e ao mesmo ORAL que aclare a información.

Por último, Nidia Arévalo aproveitou para lembrarlle á veciñanza que o servizo de atención ao público sobre a regularización catastral estará operativo no salón de sesións da Casa Consistorial mosense en horario de 09.00 horas a 14.00 horas ata o vindeiro venres 16 de marzo, cabendo a posibilidade de ampliación deste prazo de ser necesario.

Este servizo, prestado por un técnico especializado do ORAL, pretende facilitar aos veciños e veciñas de Mos a tramitación das consultas sobre a liquidación da regulación catastral. Esta medida evita que os habitantes de Mos teñan que desprazarse ata as oficinas do ORAL para realizar estas consultas.